حسام أسامة يحدد هدف بورتو قبل انطلاق الموسم: لا نلعب إلا على الصعود

حسم حسام أسامة، المدير الفني لفريق بورتو إف سي، أهداف فريقه قبل انطلاق منافسات دوري القسم الثاني (ب) بالمجموعة الثالثة، مؤكدًا أن المنافسة على الصعود هي الهدف الوحيد خلال الموسم الجديد. وحرص المدير الفني على توجيه رسالة قوية للاعبيه خلال المران، شدد خلالها على ضرورة امتلاك الجميع نفس الطموح، قائلًا: "معنديش حل غير إن أنا لازم ألعب على صعود، لو إنت جاي ومفكر إن إحنا هنلعب على أي مركز، ده مش هيحصل، وده مش شغلي." وأضاف: "اللي طريقته ودماغه مش هتبقى معايا في الاتجاه ده، يبقى شكرًا من دلوقتي، شوف أي مكان تاني." واختتم حديثه قائلًا: "أول ما دخلت معايا هنا، بورتو يبقى رقم واحد... مبنلعبش غير عليه." ويخوض نادي بورتو الموسم الجديد بعدما نجح في الصعود حديثًا إلى دوري القسم الثاني (ب)، حيث جددت إدارة النادي الثقة في حسام أسامة لقيادة الفريق خلال المرحلة المقبلة، واضعة هدف المنافسة على الصعود إلى الدرجة الأعلى ضمن أولوياتها.